新一代無綫新聞小花林婷婷，憑出眾靚樣及好身材深受網友喜愛，更以專業嘅新聞報道成功入屋，而喺超強颱風蘇拉襲港之際，林婷婷亦被外派到著名嘅打風景點杏花邨海旁報道，雖然佢嬌小玲瓏，不過就算再大嘅風都無阻佢專業表現，引嚟唔少網友大讚外，有線新聞小花陳慧欣就似乎對打風天返工深感不滿。
陳慧欣日前就喺10號波時PO出貼文道：「放假都畀人叫返嚟，仲要開通宵。」並附上晚上8時17分嘅時間，引嚟網友質疑唔夠專業外，仲有可能洩露埋公司機密！而據資料顯示，陳慧欣曾就讀嘉諾撒培德書院，於2022年畢業香港樹仁大學新聞與傳播學系，並於2021年1月入職有線新聞部，擔任港聞組記者，並因不時喺社交網大派福利騷玲瓏浮凸身材，備受網友喜愛。而曾為常駐內地記者嘅陳慧欣，與TVB主播鄧潔瑩因為成日一齊出差嘅關係成為好友，經常相約外出晒合照。而目前身為駐澳門記者嘅鄧潔瑩，今次同樣要外出直擊報道颱風蘇拉，亦未見佢喺社交網有怨言。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
