在8月18日，現年70歲的無綫電視（節目內容營運）總經理曾志偉被揭在台北入院進行切除動脈瘤手術，在翌日，志偉透過TVB企業傳訊部親自向媒體回應身體狀況，承認接受支架植入手術，並報平安稱：「手術很順利沒事，謝謝關心。」
今日（9月3日）下午，曾志偉從台灣飛返香港，約在下午4時親自於機場見傳媒，歷時約10多分鐘。志偉精神很好，更不時說笑。
謠傳曾志偉入股緬北詐騙集團「被帶走調查」 發個人聲明澄清：完全沒有事實依據
曾志偉交代身體情況
提到接受手術後的身體狀況，志偉指自己的身體復原進度良好，手術位置在肚臍下面的主動脈，並笑稱：「唔做就以後『唔使做』，冇得避，必需要做。」
醫生叮囑他要有健康作息，志偉半開玩笑稱：「早啲瞓，飲少啲酒，見到人要有禮貌啲，靚女唔好望咁多呀。」同時手術後，因禍得福：「以前血糖、膽固醇咩都高少少，而家啲數據靚仔都不得了，因為生活正常咗好多，11點就瞓。」並解釋選擇在台灣接受手術，是希望與家人一同放假。
另外，問到生活習慣要否改變，比如是否不可以踢波，他開玩笑稱：「踢波都得，同阿倫（譚詠麟）踢就得，因為同腳法差可以。」
志偉預告復工
精神奕奕的志偉，向傳媒透露：「復工㗎喇！，重要啲咪準時返工囉……」，當被問到是否於明天（9月4日）復工，他搞笑地回應：「你（記者）聽日嚟唔嚟吖？你聽日嚟我嚟。」他表示其實可以用zoom解決，所以很方便。
同時問到辭職傳聞，志偉笑說：「我畀咗幾封，佢掟返轉頭。」
另外，對於陳展鵬、陳山聰、陳豪及蕭正楠在今屆港姐擔任司儀惹負評，志偉回應：「靚仔有靚仔好，三尖八角有三尖八角好。」
強調未有從事詐騙集團
早前有指志偉入股緬北詐騙集團，更被香港執法機構調查。此所謂報道明顯「流料」，因為志偉現時身在台灣，而香港執法機構亦已證實所謂被捕消息不實。
曾志偉透過TVB企業傳訊部代發聲明，否認涉及外間傳言指控佢涉及投資集團一事。他首先幽默地說：「我從來唔睇呢啲新聞，但實在太多，有好多國內朋友send埋我睇，我話唔係我嚟，係韓琛（《無間道》角色）嚟！」
志偉並稱：「我喺台灣，點會拉咗我呢？如果我只是藝人，便不回應，但由於我喺TVB有職位，所以要澄清。」對於認為傳聞為何發生，他無奈指：「我真係唔知，呢啲間唔中都有，但呢啲牽涉到詐騙，呢啲我就最憎。」並表示定會查根究柢，查出源頭。
同時，他嚴肅地說：「依家網上有太多假新聞誤會到咁多人，對我哋呢啲年長藝人影響唔係太大，但啱啱出道嘅人就好慘，隨時因為呢啲假新聞冇咗個份job。」
最新影片推介：
精彩獎賞活動等您發掘：https://bit.ly/3ClEy1R
撰文 :TOPick柴犬出動
|
鍾意就快D Share啦！
|
|
|
