出爐港姐亞軍王怡然今早（6日）到將軍澳出席領獎，面對鏡頭時強顏歡笑，但公關表示王怡然將不接受訪問。稍後，王怡然隨大隊到尖沙咀出席醫美中心領獎，只見着上吊帶裙嘅佢，膊頭瘦到見骨，似乎大受父母走數風波影響。
王怡然（Lynn）接受司儀上屆落選小姐陳瑞菱訪問時，Lynn終於擠出笑容，稱攞獎至今心情都好開心及好驚喜。提到她參選時表示志願想做小富婆，問到將來成為小富婆後會選擇甚麽美容療程？她稱：「我對美容唔了解，保養皮護方法係飲水和瞓覺，比賽嗰日瞓咗4個鐘，算多，其他人都冇瞓過覺。」並表示希望試做美白療程。
近日王怡然父母被爆經營補習社捲千萬走佬，一眾苦主踢爆血汗錢畀咗王怡然租住逾3萬元單位，亦有網民群起要求無綫褫奪王怡然的亞軍名銜，但無綫明顯放生，今日如常畀佢出席公開活動。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
