被問到私底下會否經常看中醫時，她說：「我自己都有睇中醫嘅，所以比較有熟悉感。我哋做得呢行成日都要去調理，有病要睇中醫！」至於提及有沒有考慮參加下屆馬拉松跑全馬時，她則回應：「我想成績好，今年未必可能有時間，因為我都有工作喺身，冇時間去練。如果真係挑戰全馬，咁就真係會畀多啲時間！」
有網民發現蔡思貝今年出劇的產量只有一套，她就表示：「嚟緊陸續都拍緊劇，所以都唔使咁擔心。」至於有否擔心今年未能爭奪視后寶座，她坦言：「冇咁樣諗呀！呢套劇冇咁有戲劇性，冇話又要打，又或者搞笑，反而呢套劇係熱血，應該會感動到觀眾嘅心。希望大家可以喜歡呢套劇，多個希望可以搶獎項。」
而新劇男主角何廣沛就因出埠登台，未能參加這次宣傳活動，蔡思貝就說：「今日第一次宣傳佢嚟唔到，嚟緊11號首播，其實我都飛咗，不過應該落機就會趕去活動現場同觀眾一齊參與看呢一套劇，就未必可以同記者做到訪問。」講到何廣沛最近公開承認新戀情，她表示：「恭喜佢，可以公開佢自己嘅戀情。」被問到有否見過何廣沛女友時，她笑言：「佢嘅內情我所有都唔清楚，大家同我講佢拍拖，所以就恭喜佢，至於其他就乜都唔知」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
