劇集《你好，我的大夫》今日（24日）在觀塘進行宣傳活動，陳嘉慧未有參與，Lincoln接受訪問時，被問到有否八卦陳嘉慧嘅婚訊時，他說：「其實以一個局外人去睇成件事，作為同事、朋友，希望大家俾多啲空間佢，如果係拍拖我覺得應該恭喜佢。」
Lincoln以局外人稱呼自己，但他與陳嘉慧在《愛上我的衰神》時傳過緋聞，他笑稱：「呢個係因為大家喺網上見到我同佢以及經理人一齊出去傾點宣傳，做好整件事，所以嗰段時間多啲聯繫，唔係夾緋聞，係為咗套劇宣傳，傳緋聞幫到套劇我覺得係好事。」他又指戴戒指未必一定係閃婚，但自己確實不清楚對方狀況，所以唔方便講太多。
對於二人互相unfollow，Lincoln表示近來因想專心工作，所以減少使做社交平台，並謂大家見面都會打招呼，絕不會感到尷尬。問到他的感情事，他輕嘆一聲表示：「一直都係拍劇，最新拍《衝上雲霄3》，之後都仲有其他劇集準備開拍，希望大家留意我嘅演技。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
