藝人莊思敏被捲入虛擬資產平台JPEX風波，之前應邀到署協助調查後的她日前已開工，明天（26日）更會返內地佛山為林敏驄監製的電影《蓋世神功》拍攝，此片背景圍繞60、70年代，主演除了林敏驄外，還有金剛、林盛斌等。聲稱於風波中損失了50萬的莊思敏受訪時坦言：「係呀！我聽日就返上去開工，前幾日我都返咗廣州做嘢。（思明同楊明喺馬來西亞陪媽媽食生日飯？）媽咪生日正日我陪咗佢慶祝，佢哋再約埋其他朋友一齊再搞多次，佢哋會Stay耐啲，因為我要返嚟做嘢嘛！」
思明婚期出年先算
現時仍於馬來西亞陪家人的莊思明與男友楊明設宴為媽媽慶生，同場還有好友胡杏兒老公李乘德（Philip）、黃建東等，相當熱鬧，思明謂：「媽咪當然開心最緊要佢玩得開心我哋就開心，亦都好多謝專登由香港飛過嚟陪媽咪過生日的親戚、朋友，希望媽咪身體健康，每日開心、快樂。」思明與楊明在吉隆坡街上都被不少網民野生捕獲，楊明早已融入莊家，問思明有否被媽咪催婚時，她笑言：「佢冇催呀，依家都年尾，點都係出年先算」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
