歌神張學友今日（17日）在尖沙咀舉行《張學友60+巡迴演唱會香港站》記者會，宣布今年12月聖誕節假紅館舉行10場個唱。相隔5年再踏紅館的學友，坦言每次在香港開騷都特別緊張，皆因大家及自己都對自己要求特別高，而今次就較好，因為之前已經做了45場巡唱，累積了一些經驗，所以比較有信心。
記者會以船寓意啟航，大會致送了一個「友」字字畫給學友，學友笑言要趁樓市低買層樓去擺放這個字畫。之後學友邀請團隊上台分享，他自稱是問題製造者，並感謝團隊實現這個夢想。
司儀重提學友在馬來西亞開騷時因耳水不平衡在台上暈倒，學友表示：「諗番起都暈暈哋，都有啲心理影響，轉圈都驚驚哋，希望快啲克服到，做咗數以百計場次演唱會，喺舞台上耳水不平衡係第一次，今次算係一個挑戰，好彩大步檻過。」
講到演唱會有甚麼挑戰？學友表示：「嚟緊嘅挑戰唔知做唔做到，自己愈來愈麻煩，好感激團隊，我只係做我自己嗰Part，大部分都係交畀團隊，好多跟咗我好耐，佢哋好辛苦。」期間演唱會監製大讚學友暈倒像海浪仍堅守演出，十分專業。
相隔5年再踏紅館，學友接受訪問時坦言很有歸屬感，但會有壓力，而壓力是自己給自己。學友又自稱是麻煩製造者：「年紀大係麻煩啲，細個時會妥協同將就，依家做得一次得一次，會忠於自己。」
學友日前在馬來西亞開騷時因耳水不平衡暈倒，但他很有信心不會再復發，他解釋：「我近幾年係3、4年發作一次，照計幾年後都完成咗呢個巡演。」不過他自爆發病當日曾兩度要求腰斬：「開騷前一個小時頭暈，本來想叫停，但主辦單位想我繼續，叫我博一博，唱到第二首歌我用手勢話要取消，但冇人理我，好彩習慣合埋眼唱，冇咁暈。（太太同兩個囡囡係咪好擔心？）佢哋後尾先知道，但我已經冇事，又返咗屋企。」學友又透露兩位女兒在外國讀書，看她們有沒有時間回港睇騷，他笑言：「睇佢哋意願，唔可以強求，佢哋有佢哋嘅生活，我細個都係咁。」
提到日本著名歌手谷村新司日前病逝，曾改編過對方歌曲的學友表示：「聽到呢個消息都好愕然，因為到我呢個年紀，唔會覺得對方年紀大，同埋知道佢都係計劃再開演唱會，不過有啲嘢係避無可避，只能夠珍惜每次表演機會。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
