被問到比較享受拍劇，還是照顧小朋友，她表示：「拍劇舒服好多，拍劇冇咁大嘅精神壓力，小朋友仲細，要望住佢哋走去邊，所以精神壓力大好多，但拍劇鏡頭結束就可以瞓覺。」至於有否與家姐楊卓娜談論湊仔經，她坦言比較少，因為家姐的女兒比較大，反而自己會同有生小朋友的朋友分享比較多。
講到小孩的升學狀況，她表示：「比較多一啲zoom 嘅面試，所以我哋有陣時諗過鎖定目標就報呢間，都係讀國際學校所以程序會簡單啲，會冇咁大壓力！」談到最近打風不斷會否停影響孩子的上課進度，她說：「影響我要陪佢哋，佢哋咁細個主打都係玩同埋活動為主去教學，一打風佢哋就要留喺屋企困獸鬥，諗吓做啲乜嘢同埋安排啲乜嘢玩，好頭痛！」被問到會否考慮再生小朋友，她直言：「我諗唔會啦掛！點解我會講唔會啦掛呢！係因為有人問我想唔想再生，如果我知道會生多個女兒的話，我一定會再生多個，如果係生多個仔，我就會頭痕！」
講到老公會否考慮結紮嗎，她表示：「紮唔紮咩，我頭髮剪到咁短，唔紮（點解鍾意生女兒多過兒仔？）其實我兩個都鍾意，因為我哋係兩姊妹，我都希望我個女兒有個妹妹可以陪伴。現在小孩都好叻，佢知道佢係點樣出嚟，同埋知道我個肚裝咗啲乜嘢，佢成日都同我講自己喺媽媽個肚度走出嚟，所以想睇吓裏面究竟係啲乜嘢！」
提到老公羅子溢有否幫手協助照顧小朋友，她說：「佢啱啱拍完劇，主要都係俾我呼喝，咁佢都好幫手，主打要湊小朋友返學放學，陪佢哋食飯，陪佢哋玩！尤其是湊小朋友需要好多精力！」至於有否考慮再接拍電視劇，她說：「都有機會嘅，傾緊嘅，細節方面就未可以透露住，希望係不久嘅將來有作品同大家見面。」談到如何兼顧家庭與事業，她笑說：「如果真係要拍劇，我半年前要計劃好，我同老公講過如果我要拍劇，佢就要多啲時間照顧屋企，咁我哋就可以做交替嘅工作。」
講到會否考慮夫妻檔接內地綜藝節目，她表示：「我哋等緊呢個機會。（想拍咩題材為主？）如果拍親子的話，就要出賣女兒，我驚女兒會抗拒上鏡，如果佢係好鍾意的話我都會考慮，小朋友現在就世代轉變，出得嚟多啲就會有幫助成長，所以都OK嘅！」
被問到女兒可以接觸電子產品嗎，她表示：「佢有睇過我《家族榮耀》，但佢當時唔係好識睇，佢淨係聽到首歌，就會即刻跳舞！咁今日做呢一個活動，有條片錄咗俾我，所有佈景板都喺我個樣，佢就話係媽媽，就覺得好開心！我問佢媽媽叫咩名，佢就話叫楊怡，我話另一個名呢！佢就話叫楊茜堯，現在佢兩個名都記得！」至於女兒得知母親的身份是藝人嗎？她回答：「佢唔知道個性質係乜嘢，佢淨係知道要化妝，有陣時要載耳環，點解要塗上唇膏啊！佢現在得三歲，唔係好知道點解我哋要裝扮。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
