有着「網壇美斯」稱號嘅網壇傳奇費達拿，近日現身上海網球賽事，傳奇嘅出席唔止令現場球迷興奮，連藝人明星都忍唔住喺社交網晒出合照炫耀！而華語樂壇天王周杰倫嘅老婆昆凌，都忍唔住化身小迷妹，喺社交網晒出多張同費達拿嘅親密合照，並大讚對方：「一位真正的紳士」，興奮程度搞到連老公周杰倫都忍唔住發聲呀！
只見昆凌喺社交網晒出多張同費達拿嘅合照，2人唔止一齊拎網球拍擺甫士，仲幾乎挨晒頭咁一齊睇手機，而昆凌亦寫道：「和費達拿一起愉快地享用下午茶，不僅獲得令人驚嘆的反手拍技巧，還目睹了他的優雅和魅力。」並強調對方係一位真正嘅紳士，隔住個Mon都Feel到「天王嫂」對瑞士球王嘅崇拜之情，同時亦引嚟唔少網友羨慕留言道：「又跟偶像見面！」、「大嫂的網球技術有在進步喔！」外，仲有網友搞笑道：「比見到老公還開心！」
對此，老公周杰倫都忍唔住宣示主權道：「大家猜猜她是不是在給他看我的演唱會？」並希望老婆嘅球技可以藉此機會更上一層樓，2人隔空放閃認真Sweet到漏之餘，唔少網友仲讚爆周杰倫根本係「寵妻狂魔」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
