台灣天王周杰倫（周董）嘅演唱會飛一向出名難撲，早前佢喺天津開唱時，就傳出1張2,000人民幣（下同，約2,142港元）嘅飛，被哄抬至逾10萬（約10.71港元）。佢今日（12日）起一連4日喺上海開唱，但點知就傳出黃牛集體退票，天王失威令人搲晒頭。
原來今次個騷同早幾場有別，周董並未強制實施實名制購票，以致黃牛瘋狂炒價、轉賣亂象頻傳，但有陸媒指出，內地文旅部官方9月13日發布強制實名制規定，要求各大演唱會推動實名購票和實名入場制度，每場演出每個身份證件只能購買1張門票，購票人與入場人身份資訊保持一致。今次周董上海站門票就喺9月12日開賣，票務單位表示該場演唱會實施實名制入場，同一證件僅能對應1張本場演出門票，消費者不得使用同一證件，在不同購票管道重複購票，重重打擊黃牛。
而尋日（11日）黃牛間就爆發退票潮，有不具名黃牛無奈爆料：「主辦方原定的給錄入信息如今不兌現，因此都在退單。」即係主辦單位唔會將任何飛預留畀黃牛，不過仍有粉絲表示即便黃牛退票，佢哋都仲係搶唔到飛，可見周董號召力程度之大。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
