「胡說八道會」成員胡杏兒、胡定欣、姚子羚、黃智雯、李施嬅連同伍詠薇齊齊衝出亞洲搞巡唱，於12月在美國落杉磯、三藩市舉行「胡說八道 Girls Night 世界巡迴」演唱會。日前眾女綵排又唱又跳，昨日更於社交網PO相為大家打氣，杏兒留言:「努力準備的我們！」定欣亦有回應謂:「好期待一齊ON SHOW！」相中的她們跟着舞蹈老師排舞，而姚子羚接受東網訪時亦謂:「老師之前已經幫我哋編排好啲舞，(定欣依家喺橫店拍劇咪排唔到?)定欣本身有舞蹈底子，難佢唔到，而且我哋之前趁佢返內哋前都抽咗好多時間排練，依家惟有我哋自己排，然後同定欣線上練歌，要籌備一個演唱會真係唔容易。」
此外，杏兒日前到新加坡出席化妝品牌活動，穿着白色貼身Tube Dress的她，身材、狀態都甚佳，網民都大讚她Keep得好，完全不似生過3個小朋友。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
