今日係10月2號農曆八月十八，最旺生肖係猴，猴仔猴女人緣好交際能力強，身邊人都好樂意幫助你。猴女張栢芝8月時突然宣布身體抱恙要停工，不過冇幾耐就復工，出番嚟仲瘦咗又靚咗！最近參加米蘭同巴黎時裝周嘅栢芝日日唔同造型，展現親民嘅一面不論喺街定秀場都任影唔嬲，被網民佢大讚勁靚女，回復初出道顏值巔峰！之後仲有由外國攝影師影嘅原圖流出，零濾鏡下完全冇走樣一啲都唔似43歲。
栢芝一出返嚟就不停做嘢，睇嚟精神唔錯，相信喺唔舒服期間一定獲得好多朋友嘅幫助，先會恢復得咁好。今日繼續交際能力強喎，會唔會傾到啲好嘅作品，再拍戲畀我哋睇呀？
今日幸運星係雙子座，愛情運最強，有心儀對象嘅話不妨嘗試表白。男團MIRRRO成員陳卓賢（Ian）就係雙子座，佢上年同索模女友盧慧敏分手結束2年情，唔少粉絲都勁驚訝！其實Ian靚仔又有才華一向唔缺對象，曾經同過港姐冠軍陳曉華傳緋聞添。唔知單身咗一年嘅Ian有冇有心儀對象呢，今日係出手表白嘅好時機。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
