熱爆娛樂: 洪嘉豪未能入圍叱咤10強怕Fans失望　MC唔願意獻出紅館初吻祝賀 #叱咤 #洪嘉豪

2023年11月19日星期日

洪嘉豪未能入圍叱咤10強怕Fans失望　MC唔願意獻出紅館初吻祝賀 #叱咤 #洪嘉豪

陳蕾、張天賦（MC）及洪嘉豪昨晚（18日）3人現身西九文化區出席音樂會，分別在活動現場演唱自己的代表作。三人一起接受訪問，而洪嘉豪率先被問到未能夠打入叱咤最喜愛男歌手10強，他直言：「好開心入到12強，都覺得自己幾叻，我覺得投票嘅人鍾意自己係音樂上嘅作品，唔緊要寄望下一年，再出啲好嘅作品，最怕啲fans唔開心，盡咗力就得㗎」至於被問到看好那一位歌手能夠奪得獎項，他坦言：「我當然希望張天賦同埋陳蕾！」

MC會否願意為洪嘉豪獻出紅館初吻祝賀?

至於MC會否自薦做陳蕾和洪嘉豪演唱會嘉賓，他表示：「其實奈何我都做過好多次嘉賓，今次佢哋嘅個人演唱會由佢哋自己揸主意除非想請我都要問過經理人，雖然三個都係同一個經理人，但係都係好嚴苛！」提到MC與洪嘉豪去年舉行演唱會，洪嘉豪在台上親吻MC，講到這次MC會否同樣為對方獻出紅館初吻祝賀，洪嘉豪立刻搶答：「我哋啲初吻已經俾咗對方，錫返面！」張天賦則回應：「係呀！我哋交換過好多次，唔玩呢啲嘢！真係會影響到佢上台嘅表現。」陳蕾及洪嘉豪異口同聲表示：「呢啲嘢真係唔使！飛吻就得㗎」

MC被問有信心奪得獎項

對於日前公布入圍「叱咤樂壇我最喜愛的男歌手」10強，MC表示：「坦白講我真係唔係好清楚個戰果最後會如何，你問我有冇信心，一定有信心，好多時都事與願違，我都唔希望俾太多壓力俾我嘅Fans們，佢哋有聽我嘅歌真心鍾意我啲音樂已經好足夠！」