藝人湯洛雯（靚湯）將於12月同未婚夫馬國明喺外地舉行婚禮，未出發先興奮嘅佢，今日（29日）就晒出過大禮相，只見佢以紅色吊帶背心仔同誇張大禮合照，驚見4對如流星錘般大嘅龍鳳鈪，加埋金製茶壺、茶具，大量金豬、金牌等，馬國明一家明顯勁錫未來新抱仔！
過完大禮，靚湯即晒出與馬國明的合照。而佢個「神壇」之震盪，都多得馬國明好兄弟黃嘉樂、林子善幫手，加埋湯洛雯妹妹及圈外好友，先至可以將大批大禮擺靚靚影相。靚湯都留言話未見過好似流星錘咁嘅龍鳳鈪：「咁大個女第一次見到好似流星錘咁嘅龍鳳鈪，仲有好多隻豬豬🐷 好靚好壯觀😍」又自爆當日自己嚇到呆咗：「又一項完成❣️✅原來過大禮係咁複雜 嗰日係有少少呆咗😲 不過好多謝馬生嘅疼愛 同各位兄弟姊妹嘅幫手 任務順利完成🎉🎉🎉」稍後又晒出二人攬實嘅合照，認真Sweet爆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
