今日係11月30號，農曆十月十八，宜治病、嫁娶、理髮。今日最旺嘅生肖係猴，今日出街嘅時候有機會遇上，改變一生嘅伯樂，將會獲益不淺。吳若希就係屬猴，佢之前喺台慶劇《香港人在北京》做女主角，其中一幕佢着上性感內衣，同劇中老公陳展鵬做對手戲，入面佢性感又搞笑，好多粉絲都大讚好睇。唔少網民都話Jinny有機會去爭視后，如果真係一擊即中肯定成為一時佳話，Jinny今日有機會遇上伯樂，記得着得靚靚出街！
今日嘅幸運星係巨蟹座，你哋運氣好到不得了，可以喺職場競爭中佔有優勢。谷婭溦（Vivian）就係巨蟹座，最近主唱《你好，我的大夫》片尾曲嘅Vivian，除咗歌唱事業愈來愈順利之外，仲開咗間歌唱學校，聽講外間反應好好相信Vivian，都會好滿意喇。另外Vivian真係有個好爸爸，因為佢今年就送咗一架價值超過100萬嘅，名貴跑車畀個女。Vivian都好雀躍話佢好鍾意個款，我諗都冇人會唔鍾意靚車，今日趁住咁好運氣，就盛裝打扮、揸架靚車、出去威威
本文作轉載及備份之用 來源 source: http://hk.on.cc
|
鍾意就快D Share啦！
|
|
|
