藝人張智霖（Chilam）同太太袁詠儀（靚靚）成日都要北上開工，近日17歲阿仔張慕童（魔童）原來都有一齊返內地，仲一家三口去睇王嘉爾（Jackson） ...
藝人張智霖（Chilam）同太太袁詠儀（靚靚）成日都要北上開工，近日17歲阿仔張慕童（魔童）原來都有一齊返內地，仲一家三口去睇王嘉爾（Jackson）演唱會，有網民就捕獲到佢三個，又公開大讚魔童好靚仔添！
當中有網民就晒出同張智霖一家合照，又留言「魔童好帥啊！」但係點睇張相都唔見魔童，竟然有網民將合照當中長髮嘅蔡一智係魔童，驚訝點解仔仔會老過Daddy，搞到樓主要解釋魔童根本冇影合照：「不好意思叫魔童合照，畢竟人家不是公眾人物。」不過網友亂估誰是魔童真係夠晒搞笑，成功引起唔少熱論。
