藝人李亞男日前剛過39歲生日，本身老公王祖藍同兩個囡囡都同佢開心慶生，又拍片又送窩心大禮等，王祖藍更安排一個泰國之旅，點知尋日（27日）李亞男晒出新片，原來佢喺生日前一晚突然頸椎出事，連生日倒數、旅行都做唔到，就要王祖藍急急推佢坐輪椅入院。只見李亞男成個人硬晒咁坐到直一直，一郁就頸痛，嚇到王祖藍話：「我都不敢祝你年年有今日，歲歲有今朝！」
多得王祖藍全程陪伴，佢仲對住鏡頭展示當時係25日李亞男生日正日嘅凌晨12點，兩人喺醫院等候接受治療，王祖藍憂心提點太太：「先止痛，然後回家不要在這樣看手機，畫畫的時候，墊着這隻手，不要再抱寶寶，兩個都很重，不要再抱了。」最後只可以李亞男喺醫院食Lunch慶祝。
之後再見到李亞男戴晒頸箍咁，終於可以同兩個囡囡切生日蛋糕慶祝，甜到入心，細女Hayley又搞笑話：「媽咪長高喇。」李亞男隨即耍手表示：「不要再高啦，我再高這頸椎又有問題了！」王祖藍又講笑：「你再高就看不到我！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
