蘇韻姿盛傳同高層珍姐鬧翻 親回應：只可以話公司好鍚我 #曾勵珍 #珍姐 #蘇韻姿

藝人蘇韻姿（Andrea）在TVB處境喜劇《愛·回家之開心速遞》飾演角色「熊心如」深受觀眾歡迎，有傳她因得罪珍姐導致不能「回家」兼被雪藏，久未能回劇組 ...

藝人蘇韻姿（Andrea）在TVB處境喜劇《愛·回家之開心速遞》飾演角色「熊心如」深受觀眾歡迎，有傳她因得罪珍姐導致不能「回家」兼被雪藏，久未能回劇組。蘇韻姿今晚（9日）現身舞台劇《我們的青春日誌》宣傳活動，她親自回應表示：「其實一路公司都好鍚我，我都一路好感激公司畀我嘅所有機會啦，個個都教我好多嘢，我係一個人嚟到香港，咩人都冇，係公司畀咗呢一家人我回家，呢個係事實嚟。（想澄清傳聞？）其實公司同我保持良好關係，我都唔知原來有咁誇張嘅傳聞。（同珍姐鬧翻係假嘅？）我只可以話公司好鍚我，畀好多機會我，所以我都好感恩大家咁鍚我。（好莫名其妙？）都係得啖笑。」

蘇韻姿透露未有收到「回家」歸期，但強調已獲公司安排工作，又表示拍劇6年「不嬲都有演員出出入入，基於唔同原因。」她又表示：「屋企點都係屋企嚟，點都要返屋企嘅。」

至於外界盛傳她完約被炒，蘇韻姿透露同公司約有排都未完，不會成為逃亡潮一員，她說：「同公司仲有一個好長嘅合約時間，嚟緊都有第二啲嘢安排畀我，所以我都唔知點解咁傳，有人都問我係咪俾人炒，我話冇啲咁嘅事。」

本文作轉載及備份之用 來源 source: http://www.hk01.com

鍾意就快D Share啦！

下一篇 》