洪永城早前被指再做老竇，但他卻一直未有承認，只謂有好消息老婆會公布。果然所言非虛，今日（6日）趁洪永城40歲牛一，老婆梁諾妍特別於社交平台公布懷孕喜訊，並甫出BB超聲波照片，以及她腹部隆起與老公洪永城「肚頂肚」相片，並寫道：「洪爸爸今年嘅生日禮物！唔知道，你上年嘅生日願望係唔係三年抱兩呢？如果係嘅，恭喜你，你願望成真決定喺你生日同大家分享呢個喜訊，夠晒Meaningful呢。」
她還大祝老公生日快樂，身體健康，女兒因樣子似爸爸，被家中女傭以「Sir Face」來形容，估不到，今胎繼續秉承「Sir Face」，梁諾妍留言：「(老公)健健康康照顧我，照顧Molly同Sirface，同埋Sirface No.2，相信你嘅基因真係好強大，超聲波嘅寶寶已經覺得好似你。多謝大家嘅祝福，Sirface no.2，我哋喺出年4月頭見。」
洪永城（Tony）今晚（6日）40歲生日，他晚上出席新劇《飛常日誌》煞科晚宴，劇組演員在台上影大合照後，即拿出蛋糕及大唱生日歌為壽星仔慶生，令Tony感動不已，被問到生日願望？他表示：「希望太太同小朋友都身體健康，新劇收視節節上升，世界和平。」
之後Tony接受訪問，他笑言：「估唔到已經40歲，剛才同事唱生日歌畀我聽，真係好開心同感動，直情唔知講乜好，原來生日喺工作中，同同事一齊過係咁開心。」
日前盛傳Tony太太梁諾妍（Inez）已懷有第二胎，問Tony是否有好消息公布？他開心表示：「應該會啩，唔係想隱瞞，純粹係交畀老婆講。」話口未完，Inez即在社交平台post超聲波照公布喜訊，認真可喜可賀。Tony又透露稍後會一家人到台灣與母親慶祝生日，皆因他和母親和女兒都是12月生辰，可以三代同堂一同慶生，他說：「好感恩，我細個喺台灣長大，依家可以帶阿女去我長大嘅地方，同佢依家嘅年紀差唔多，所以好感觸又好感恩，兜兜轉轉咁多年都好幸福。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
