千嬅表示，自2019年去過美國演出之後，就已經4年未去過，拉斯維加斯改變了不少，很多新科技、新的騷很精彩，此行非常開心，有很多朋友都是為了看她演出，開幾個鐘車來，觀眾的反應熱烈令她感到很溫暖，「每一場演出都似大型KTV咁，首首歌都大合唱，真係好勁呀班觀眾，好多謝佢地咁支持。」
工作之餘，她亦有帶媽咪一齊去玩，看魔術表演、去了新地標Sphere睇騷，「我媽咪勁呀，佢時差都搞得掂，仲精靈過我。去到當年我同丁生註冊個小教堂，因為當年註冊媽咪無係現場，我咪講番當時情況，同啲小故事比佢聽，佢都聽得好開心。」回想當年同丁生去旅行期間，突然註冊結婚，那一刻的「勇」可謂改變了千嬅整個人生，她說：「依家諗返，由一個人變兩個人，再變三個人，人生其實很多事個天都安排好，跟住命運帶畀你的流水向前行， 你就神奇地行咗個人生出嚟㗎喇，哈哈。第日放假，我諗住再帶囝囝來，再同佢講當年爹哋媽咪嘅故事。」
美加之行，千嬅謂丁生這個管家管住她的飲食，但她也食了這一年最多的澱粉質，「芝士、漢堡、Pizza、意粉，幾乎日日食，丁生最叻係每到一個地方，就問晒家人朋友，有咩最好食一定要食，帶晒大家去，去到就係咁叫好嘢，但係就淨係管我一個，次次都話你唔好食咁多……比佢激死。我梗係唔理佢啦，不過今次食多咗，咁返嚟就要還，開始又節制多啲囉，因為之後過年喺澳門開騷，過年你知咁多好嘢食，依家減定，留多啲quota過年嗰陣用，哈哈。同埋都要保養下把聲，唱左十七場，明年巡迴繼續，要保持一個好體能。」
是次澳門，千嬅選在2024年2月14-15日開騷， 年初五開第一場，「我未試過農曆年做騷，仲係情人節，都幾開心，以往過年多數係一家人去旅行，今次就終於喺香港過年，再帶埋家人過澳門睇騷兼一齊玩囉。情人節開騷覺得好好，人大個咗就唔係剩係諗情人得兩個人，呢啲日子，愈多朋友愈好愈開心，又可以見下fans，我都好期待。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
