謝安琪又指老公對佢新髮型十分滿意，更有重拾初戀嘅感覺。講到老公，張繼聰早前因勞損而導致坐骨神經痛，謝安琪表示阿聰係因為拍動作戲所致，由於腳傷引及腰傷，「見佢每日起身都要慢慢轉身，要食止痛藥，我都好心痛。佢連襪都著唔到，所以我呢排日日服侍佢，好呵護佢，大家放心，我照顧得佢好好。（有無幫佢沖涼？）又唔使，佢係唔可以彎身，其他嘢OK。」由於阿聰選擇物理治療而非做手術，所以需要康復之路需時，之後亦要加強腿部訓練。「佢對腳係幾迷人，平時都係靠P圖整大，所以佢而家要面對返現實。」謝安琪又指阿聰遇強越強，所以冇打算阻止佢拍動作戲。
另外，問到有否留意引起熱議嘅「土瓜灣謝安琪」？謝安琪表示不知情，經解釋後，她說：「好榮幸，我自己身材一般，可以話係好普通，所以『土瓜灣謝安琪』一定係勁啲，無理由搵身材平平無奇嘅人去講。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
