關於《夜夜痴纏》被電台禁播一事，麥潔文坦言未至於禁播，不過當年就曾有電台DJ反映，有聽眾聽到歌曲時遭遇靈異事件。麥潔文接受《香港01》訪問時說：「唔關事㗎，唔知點解以訛傳訛，講咗呢隻歌播咗就有嘢，只不過某個DJ喺節目突然間有嘢，到最後find out都唔係因為播我隻歌。」哪一個電台？她回答：「港台最多，新城都有，反而商台就唔覺。都有人播嘅，有時聽到朋友話：『播呢隻鬼歌』。」
她表示，當年《夜夜痴纏》播出時，也聽說過有聽眾表示聽歌後有奇怪事發生。她說：「我聽過有人打去電台講：『我一聽呢首歌就俾鬼砸（鬼壓床）。』我都話：『吓咁得意？』」及後，麥潔文亦表示演唱會唱《夜夜痴纏》時，也發生過奇怪事。她說：「試過演唱會，樽水......」身旁的助手補充道：「樽水個蓋彈出嚟，但係樽水唔係有氣嘅。」麥潔文說：「突然間『卟』就彈出嚟。我就唔知，因為樽水喺我後面，佢哋喺台側邊就見到。」
YouTube傳送門：
麥潔文說：「傳咗三十幾年。嗰陣時因為《靈氣迫人》，我就係個女鬼同埋唱主題曲。有啲人會好驚，但係有啲人就冇嘢，覺得只係情歌咁聽。」相隔三十多年，還有沒有人要求麥潔文唱《夜夜痴纏》？她說：「有㗎，所以有一次，上一個演唱會2019年嗰時，我一開騷就開始就清唱『wu~~wu~wu~』，嚇吓人先，哈哈。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
