今日係12月4日，幸運星係處女座，運氣好得令人羨慕，抓住時機為理想奮鬥。李幸倪（Gin Lee）就係處女座，早排佢就勁黑仔，有狂徒喺佢嘅粉絲社交群組，發放不雅片嘅連結，仲屈Gin Lee係片中女主角，Gin Lee即刻澄清，指對方惡意散播網絡病毒，可能係騙徒手法，影響唔到佢嘅事業，今年佢勁勤力，一口氣出咗5首派台作品，仲有兩首冠軍歌，所以佢都落力拉票，有望衝擊「叱咤頒獎典禮」的女歌手獎，絕對有實力阻欣宜達成三年霸，你今日咁好運，話唔定個獎真係你拎。
今日係農曆十月廿二，宜掃舍、伐木、捕捉，最旺生肖係鼠，事業與財運都好好，付出與回報成正比。李亞男就係屬鼠，佢自從嫁畀王祖藍後淡出幕前，早排唔單止開咗人生第一個公益畫展，之後同老公亮相音樂匯演，兩人拖住手出場大晒恩愛，目前主力相夫教子嘅李亞男，仲同囡囡喺屋企花園，用樹葉DIY屬於秋天嘅遮，大晒親子時間，難怪網友都話羨慕王祖藍啦。今日你事業與財運都好好，有冇打算復出幕前拍戲拍劇呢。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
