今日係12月3日，幸運星係天秤座，財運好到極，趁機會多做好事，活得更有意義。視帝陳山聰就係天秤座，依家拍緊新劇《反黑英雄》嘅佢，幾乎劇接劇，「TVB帶貨女王」陳敏之本身都想，搵山聰齊齊帶貨直播，約咗半年終於約到，「兩兄妹」開直播，第一次做直播就差唔多有2、300萬人睇，成績唔錯。日前二人獲邀擔任內地超級盛典活動司儀，二人盛裝登場，再度以「兄妹檔」搵真銀，不過佢話話最大挑戰係全晚要講普通話，雖然係錄影節目，但做司儀對佢嚟講已經有難度，仲要全程用普通話去講台詞，係難上加難，山聰你今日財運咁好，開多幾場帶貨直播，應該都吸好多金。
今日亦係農曆十月廿一，宜祭祀、動土，最旺生肖係兔，屬兔嘅人好運降臨，就算遇到困難都能順利解決。兔女鄭欣宜潛水半年，近日終於浮上面，喺老友許廷鏗嘅新歌《一場同學》MV入面擔任女主角，見到欣宜唔單止冇瘦到，仲好精靈咁演出，見佢已經Ready投入工作，一班粉絲都放心晒，你今日遇到咩困難，都可以順利解決，快啲出嚟見吓大家。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
