今日係1月25日，農曆十二月十五，宜祭祀、出行、裁衣。屬羊嘅人今日你哋最旺，得到身邊人嘅信賴，謀事無往而不利。周潤發就係屬羊，「最親民影帝」發哥面對粉絲要求合照，「永冇托手肘」。早排佢出席時裝騷時，甚至有星級粉絲上前，要求同發哥集郵，呢個人正正係韓國男神宋仲基，事後宋仲基亦有喺社交網分享合照，可見發哥嘅魅力，早已衝出國際，做乜都無往而不利，連國際巨星都化作小粉絲。
早前發哥參加半馬拉松賽事時，也被沿路上嘅其他跑手集郵，當佢跑到維園範圍時即引來轟動，發哥亦奔跑奔向大家揮手，由教練陪同下完成賽事嘅佢面露笑容，不過見到佢左邊身手腳均有擦損傷痕。
今日嘅幸運星係水瓶座，享天時地利人和，放膽追夢，勿浪費時光。楊千嬅眾所周知就係水瓶女，同老公丁子高結婚多年，仍然感情深厚。仲趁着今次世界巡迴演唱會，重返當年喺拉斯維加斯，先斬後奏註冊結婚嘅小教堂。事隔4年再到美國舉行個唱，搞到一班粉絲等到頸都長埋，觀眾嘅反應亦熱烈，每首歌都大合唱，令到千嬅覺得好溫暖，話你享天時地利人和，又真係冇講錯噃！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
