韓國人氣女團TWICE的台灣成員周子瑜，在由全球粉絲票選的「全球最美女星2023」中以5.7萬票力壓內地女星迪麗熱巴登頂，成為「世界第一美」。早前帶隊友志效及定延到台灣玩，由台南玩到台北，最近仲傳出佢帶住所有人去到佢新購入嘅上億新台幣（下同，約2,470萬港元）豪宅，享用豪華下午茶，內部設計亦隨之曝光。
周子瑜日前帶定延、志效遊台，由於隨行親友團多達數十人，佢索性直接租遊覽車，載住成團人周圍，母親更係相當好客，不時招呼所有人，行蹤遍及台南花園夜市、安平開台天后宮，以及知名景點九份等，志效都晒出同定延、子瑜喺當地玩樂嘅靚相，令台灣網友紛紛尖叫望偶遇。
依家仲傳出，周子瑜去年斥資一億多新台幣喺高雄買下某豪宅建案，據悉，坪數多達184.03坪，內含3個車位，不過由於採毛胚交屋（即以最原始呈現的建築型態入伙），未來若要入住，仲要再砸下近千萬元新台幣嘅裝潢及家具費用。有指今次周子瑜帶埋一行人參觀豪宅，仲於公設層享用單人索價近千元（約247港幣）嘅「女王下午茶」，並且討論裝潢相關事宜，不過業者就表示唔方便透露相關細節。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
