今日係2月29日，農曆正月二十，宜沐浴、結網。今日最旺嘅生肖就係雞，貴人運強，事業發展受惠，財運上升。藝人余文樂就屬雞，近日就有傳佢同太太王棠云，婚姻出現問題，惹起外界擔心兩人狀況。日前有網民喺上海街頭，偶遇余文樂兼合照，未知係咪受婚變傳聞影響，望落非常之憔悴，大細眼亦相當明顯，老態盡現。不如阿樂趁住事業咁強，復出拍戲，可能轉一轉運，都有可能幫下感情狀況。
今日嘅幸運星就係天秤座，財運好到極，趁機多做好事，活得有意義。藝人譚凱琪（Zoie）就係天秤女，佢2022年同金融才俊莊日宇結婚之後，就一家住喺九龍塘嘅6千萬豪宅，生活非常美滿幸福。之前佢亦喺社交網上，分享喺千呎花園入面種菜，可見當中嘅環境相當靚。其實佢好早之前已經試過喺花園，為阿女搞過百日宴，過住「闊太」生活嘅譚凱琪，相信每日都財運旺！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
