無綫小花何依婷去年憑台慶劇《新聞女王》人氣急升，加上榮升人妻，可謂喜訊連連！新婚的她繼上月到日本北海道二世古滑雪後，近日也趁新春假期再飛日本，不過今次則選址東京白馬作為滑雪目的地，依婷除了於社交網分享靚相，還有她滑雪時的短片，片段中見她有姿勢有實際，非常吸睛。她又自爆在滑雪期間受傷：「受傷時，有點後悔又有點痛
傷好時，有點想念又有點想去。這次滑雪之旅的最後一天，在紅道上被途人撞倒了，頭落地撞了兩下，但幸好有頭盔的保護，亦有很好多熱心的途人幫忙，受了點小傷，休息了一星期好番好多了，大家做運動時真的要做好保護，不要掉以輕心。」
依婷接受東網訪問，指已經返港，又交代傷勢：「個頭盔撞呀，我個頭ok，頸痛了一星期，今日好啲呀。我book咗物理治療，但因為我睇開個物理治療師都唔喺香港，所以過兩日去。」她透露為了今次行程特別協調好工作時間：「咁啱年廿九到年初四都冇工作，所以就算捱貴機票都要去旅行。（日本有幾日好大風雪喎！）好在去嘅時候天氣好好，又有陽光，今次係我滑雪嘅第2個雪季，但平時一有時間都會研究有冇機會去到滑雪，當然一切都係以工作行先嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
