藝人李龍基今日（21日）急急返港，趕往懲教所探望涉嫌兩度違反逗留條件以及有關兩間學府的虛假文書等合共6宗罪、現還押中的未婚妻Chris（王青霞）。李龍基為見未婚妻盡最後努力，行程一改再改，除撲車票由廣州搭今早的直通車趕返港外，今早又收到懲教署通知要12時前趕往大欖懲教署辦理核實身份手續，以便盡快和未婚妻見面。
李龍基拖着行李甫現身，即被大批等侯的傳媒圍實，被問到有否有Chris購買日用品，他表示未有，當問到他有否接獲入境處調查，李龍基表示：「冇收到。（如果Chris被遣返咁點算？）都冇計，要接受現實，（眼泛淚光）Chris屋企人仲未知佢出事…」語畢便急急離開。
約早上11時許，李龍基抵達大欖懲教署，他甫下車即爆喊見人，以手巾仔抹面，並寫字登記進入懲教署。李龍基向傳媒表示，自己已經攝太歲，流年不利，本身他打算今日下午4、5時才回港，收到懲教署指Chris需要日用問，他即急急改車票返港：「我有留意Chris嘅案情，我估唔到咁大鑊，我以為佢只係過期居留好小事，完全唔知佢啲證書原來係偽造，亦都未見過佢任何嘅證書……Chris平時講咩我都會信，作為未婚夫，如果我咩都唔信、乜都Check住，係好唔畀面佢，所以佢講咩我都會選擇去信佢。」李龍基再次強調未有嬲Chris，只係嬲未婚妻乜都唔同自己商量。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
