恭喜發財，祝大家龍年行大運！今日係2月10日，農曆正月初一，宜開光、嫁娶、求嗣。今日嘅幸運星就係金牛座，得到幸運之神關照。今天有機會發新年財，金牛座嘅前港姐楊洛婷（Rabeea），自結婚後，唔單止做家庭主婦照顧囝囡，又不停接Job做主持，加上有老公黃天翱（Tim），努力賺「奶粉錢」，真係發個新年財。雖然佢已經貴為人妻，不過佢亦經常喺社交網晒性感照，大派福利！日前佢上載咗一輯，喺冰天雪地下，只着火辣紅色泳衣嘅相，超Deep V激露半球，兼低炒勁騷長腿，在零下三度依然惹火，年初一睇見真係勁應節！
新一年最旺嘅生肖就係屬馬，你哋桃花旺，不妨在意中人面前表現自己。事業及愛情兩得意嘅張曦雯就係屬馬，雖然佢不時都開劇，但當有時間亦會做「孝順女」陪屋企人。早排佢就陪老竇去飲茶，仲將兩個人嘅合照，放上社交網唔少網民睇完合照後，都異口同聲咁話，兩父女好似樣呀。話你桃花旺，幾時同男友拉埋天窗，孝敬吓老人家！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
