鄭中基嘅《Fragments of Wonder 鄭中基世界巡迴演唱會2024-香港站》今晚（13日）開鑼，一出場即時嚟個集體回憶《搬屋》、《想愛你》以及《黑風暴雨》。唱至《星光伴我心時》前，鄭中基表示歌曲是送予曾經合作過嘅朋友，並吩咐全場觀眾舉起手機燈，其後大銀幕出現多位一張又一張已故藝人包括河國榮、周海媚、大飛、吳耀漢等。
鄭中基唱《猛龍特警隊》時，提到「飛機嗰件事大家都知，我歌唱事業停晒，去拍戲，但都會搲啲主題曲唱，有個導演佢好好，畀晒啲主題曲我唱，佢就係谷德昭，亦因為咁，我歌唱事業有返啲起色。」
雖然鄭中基在開場時表明無嘉賓，但當佢唱《有種》向觀眾𢭃利是時，突然大叫搞唔掂，仲話要阿仔出嚟幫手，「阿仔」Edan驚喜登場，兩父子走均全場𢭃利是，Edan仲話咁大個第一次咁玩法。鄭中基其後拎住兩封利是，問Edan想要利是定即場宣傳《盜月者》，Edan好現實咁話：「《盜月者》票房幾多都好，都唔入我袋，梗係要利是啦，不過《盜月者》都好睇嘅。」Edan之後送上「厚禮」手套一對，兩父子一人一隻手套唱《傷心的小鸚鵡》。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
