台灣歌手楊丞琳出道多年嘅佢，雖然多次因出位言論掀起爭議，但仍無損高企人氣。事實上，從女團出道嘅佢，2000年曾同張棋惠、冷嘉琳及黃小柔，組成4 in love女子團體，而喺日前楊丞琳亦喺社交網晒出久違嘅同框合照，並寫道：「無法言語的療愈和幸福，是你們給我的，#bff #3inlove #bgm 是4 in love的命中註定 #這首歌很好聽 #是周杰倫出道前的作品 #裏面的口白是小柔不是我 #聽完整版就知道我在說甚麼 #重新演繹會唱得更好。」
只見相中嘅楊丞琳、黃小柔及張棋惠，即使面對超近距離嘅自拍，皮膚依然嬌嫩誘人外，凍齡美貌及維持多年嘅好友誼都引嚟唔少網友留言道：「那有機會聽到重新演繹的版本嗎？」、「第一次認識楊丞琳就是透過4 in love！」、「你們狀態都好好喔～皮膚超好」、「人生有幾個交心的摯友超級幸福的！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
