馬來西亞女神蔡卓宜同王大陸分手後形象突變，從鄰家女孩嘅嬌柔形象，轉變成辣度爆燈嘅性感尤物，快速走出失戀陰霾嘅堅強表現，引嚟網友激讚。雖然蔡卓宜同王大陸去年6月分手，每次提起舊愛王大陸亦表現大方，不過日前晒出哥哥結婚喜慶片段嘅佢，就因為一個提問，引嚟唔少網友戥佢心痛外，似乎仲透露出佢畀王大陸傷得好深之餘，到依家都仲未放得低！
早前返馬來西亞出席哥哥婚禮嘅蔡卓宜，唔止全程記錄Po上網同網分Happy Share，更晒出同媽咪着紅色喜慶衫搭膊頭嘅畫面，只見蔡卓宜主動問媽咪飲新抱茶有咩感想，蔡母回道：「很感動，家裏多了一個人，明年再添多一個人！」對抱孫充滿期望外，蔡卓宜亦問道：「我不結婚可以嗎？」未料蔡母竟然開明道：「可以呀，只要你開心！」雖然蔡卓宜即刻笑到四萬咁口道：「你看！我媽就是好哈哈哈！」但仍引嚟唔少網友蔡卓宜到底畀王大陸傷得幾深，竟然對結婚失去期望之餘，到依家都仲未放得低王大陸。
喺婚禮上，蔡卓宜亦被媒人婆催婚：「找到好的就要，找到不好就不要。大家祝福她找到好姻緣！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
