今日係3月1日農曆正月廿一，最旺生肖係虎，運勢上升，纏擾已久的問題可獲解決。C AllStar成員陳健安（On仔）聽日（2日）就會舉行入行以嚟首個單飛實體演唱會，佢努力練歌練氣練舞，務求向一直支持佢嘅歌迷，展示最好嘅自己，而早前受訪時，提到今次嘅個唱會着重以歌會友，並笑着應承到時會除衫騷肌。
其實On仔曾多次跌入黑洞，走過無數難關，早前經歷爸爸及兄長嘅離世，2018年更經歷到人生第一次失聲，而於去年底，佢因為踢波整斷咗十字韌帶，半月板亦都有受傷，雖然如此，但當看到身邊人對他的愛，讓他重新振作起來，而腳傷方面，經歷兩個幾月嚟嘅物理治療同復康運動，依家終於可以慢跑同小跳，On仔你運勢上升，要繼續克服傷勢。
今日嘅幸運星係金牛座，事業運強，做好本分不愁沒有上位機會。擁有34D上圍嘅陳欣茵，自離巢無綫後就轉型做KOL，專心經營自己嘅網絡平台，唔單止曝光率比以前多咗，仲頻頻接Job，又參與葉念琛執導嘅電影《不是你不愛你》，欣茵果然不愁冇上位機會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
