他們曾解釋隊名「E」代表公司「StarEast」，而「Kids」則因為他們是公司的小朋友。近日《亞洲超星團》旗下的新男團出道，曾志偉宣布他們叫「Loong 9」，象徵一飛沖天，但隊名卻被網民大力取笑，而Tommy就出Post大爆，曾志偉當年幫「E-kids」改的原名更令人尷尬。
Tommy發文時未有開名，全程以「153」稱呼對方，但就附註了曾志偉飲醉酒的舊照，他說得悉對方幫新組合改了個「X名」，心想對方是否飲醉了，但又覺得不意外，並說突然覺得對方當年幫自己組合改名做「E-kids」已不算太「X」，他說：「話說原本我哋唔係叫E-kids的，153第一個幫我哋改嘅名，仲癲！係叫做 『A4！！！』當時年少輕狂的我喺佢哋興高采烈咁隆重介紹我哋嘅時候衝口而出咁講咗句，我：『A4？？？紙嚟㗎？？？』之後全場靜晒，然後153即時黑面加散會。」Tommy更叫大家去「考古」，指當年《新秀》有一個參賽組合叫「A4」，正是E-kids前身，更獲得「最受現場觀眾歡迎獎」。
他說自己再三堅持下，組合才成功改名做一個較易接受的組合，因此他對於曾志偉豪氣宣布「Loong 9」時並不意外，但Tommy表示：「但呢班𡃁仔就慘啲喇，個名肯定俾人笑一世。」不過又覺得被取笑是人工包的，最後他又請教大家到底「Loong 9」如何發音，認為成員們自我介紹時會十分尷尬。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
