藝人馮盈盈去年初重返母校香港大學進修食品產業管理市場營銷碩士，美貌與智慧並重，當時佢一宣布讀書，大家都擔心佢係諗住轉行唔做藝人，即刻傳出佢有意退出云云。尋日（7日）佢就上載一條Vlog，指自己修讀嘅碩士課程已經Last day，唔使再返學，仲晒出當日一身知性formal dressing，又靚又有氣質。
見佢當日一早就起身化妝，返電視城開工，又捉實丁子朗合照，之後佢就即刻趕返港大做presentation，作為最後一日港大學生生活，佢上台認真演講，專業程度爆燈，仲感慨留言：「在HKU的最後一課圓滿結束。這段日子，工作與讀書的雙重生活，雖然忙碌，但每一步都充滿意義。荀子曰：『學不可以已』。將學習融入生活，讓自己不斷成長。學無止境。」有網民留言問佢畢業後會否轉行：「PHD畢業係唔係準備做OL？」馮盈盈就回應：「不是啊」粉絲可以放心晒，佢之後仲會繼續現身幕前，打開電視仲見到女神呀。
由「英皇龍虎豹」容祖兒（Joey）、蔡卓妍（阿Sa）、鍾欣潼（阿嬌）首度合作主持嘅內地綜藝節目《因為是朋友呀》，自播放以嚟一直大受歡迎，阿Sa、阿嬌早前亦透露，3月會喺香港開拍第2季。
尋日有網友喺西九龍文化區M+博物館，睇到阿Sa、阿嬌同Joey，仲即刻影相放上網兼留言大讚：「原來真人容祖兒最靚女。」相中見到紮起孖辮全身藍色牛仔風打扮嘅阿Sa，同埋全黑打扮露出長腿嘅阿嬌背對鏡頭，唯一面向鏡頭嘅Joey，唔單只笑到四萬咁口，仲着住超短裙露出白滑長腿，唔少網民睇完張相，都超羨慕嗰位網友可以一次過親眼睇到3位美女，亦有網民大讚：「Joey氣質好有女王天后Feel」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
