台灣女星徐熙娣（小S）老爺，坐擁數10億身家嘅「台灣巴菲特」許慶祥，日前（1日）因心肌梗塞離世，今日（4日）為靈堂開放第一日，上午10時許遺孀黃秀真喺小S3個女兒許曦文（Elly）、許韶恩（Lily）以及許曦恩（許老三）嘅陪同下抵撻，而獨子許雅鈞則於稍後時分，同老婆小S手拖手走入靈堂，面對媒體嘅關心，2人皆一言不發。
而經歷離婚風波、閃婚後首度喺公開場合露面嘅徐熙媛（大S），亦頭披絲巾、戴黑超現身，時隔5年現身嘅佢雖然未有回應記者提問，不過整體狀態不俗之餘，今次亦係大S同具俊曄結婚至今，首次同框。
另外，去年6月捲入性騷風波，目前案件仍在受理嘅陳建州（黑人）；老婆范瑋琪（范范），亦自2020年1月因口罩風波、去年9月演唱會受黑人官司拖累，取消開騷嘅佢，亦於今日下午1時許現身靈堂，雖然黑人全程冇回應記者任何問題，但當記者問范范有冇傳訊息關心小S時，則簡短應道：「有。」並表示：「我們他們！我愛你們！」隨後就急急腳步入靈堂，但范范明顯臉色蒼白。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
