▲陳慧敏宣布開音樂會。
今天（4月3日）是陳慧敏生日，大一歲的慧敏哥在踏入生日零時零分，在個人社交平台宣布於5月17及18日假香港藝術中心壽臣劇院舉行兩場音樂會，慧敏哥說：「生日想送一份禮物俾自己，而不經不覺原來7年已經冇開個人騷，所以好想好想係今年完成呢個心願。」慧敏哥更興奮表示找來了The Hertz任音樂總監，頓時令她感覺不再孤單。
今次音樂會名為《「趁我們還有____ 」陳慧敏個人音樂會2024》，慧敏哥解釋，音樂會名用上下間線，原因是希望透過音樂會與大家去尋找各人心中的答案。
她解釋說：「疫情呢幾年返香港，成日聽到身邊人講失去！大家講嘅失去，係因為疫情？係因為經過咗好多生離死別？戰爭？定係因為好多嘢唔同咗？心情未平復到？所以我係到諗，會唔會嘗試換個角度諗，係大家談論失去同時，其實我哋仲有啲咩？所以有咗今次音樂會嘅主題，亦係一條填充題，同大家一齊面對、一齊搵內心答案。」
互相擦出不同火花
構想好音樂會主題後，下一步就是找音樂總監，慧敏哥期望透過今次音樂總監能令闊別7年樂迷充滿新鮮感，而事有湊巧，慧敏哥在一個騷上接觸The Hertz，當刻就鎖定了找他們合作。
她說：「今次The Hertz會成隊Band一齊做我嘅Music director，佢哋本身就係團隊，而我咁多年來都係一個solo嘅歌手，係佢哋身上會更加感受到團體嘅力量。」
慧敏哥續指：「今次個音樂會上，我哋會有好大合作，互相擦出不同嘅火花，特別音樂上面點樣去rearrange過我嘅音樂，一齊行一齊去揾我哋呢個騷最終面貌，一齊行嘅過程係最令我期待，所以都邀請大家嚟同我喲一齊同行一齊去揾到自己內心嘅呢一個答案。」
《「趁我們還有____」陳慧敏個人音樂會2024》
日期：2024年5月17、18日
時間： 晚上8時
地點：香港藝術中心壽臣山劇院
票價：$888/ $688/ $488
撰文 :TOPick柴犬出動
|
鍾意就快D Share啦！
|
|
|
