香港國際七人欖球賽上周五（5日）於香港大球場舉行強勢開鑼，連日嚟都有大批藝人入場見證盛事，包括有2021年港姐亞軍梁凱晴、陳懿德、林希靈、鄺靜汶、葉靖儀、譚嘉儀等女神，仲有男神孔德賢、鄭衍峰、許俊豪、羅天宇同胞弟胡㻗等，場面又Hot又有feel，個個都想參與盛事。
不過要數性感之最，今次就有旅遊達人梁芷珮一件貼身小背心去到現場，露腰又晒事業線，佢仲帶埋老公、細女Kasey見人，佢手執一杯啤酒，轉頭又同老公買多兩Jar，睇嚟佢哋都同現場氣氛一樣咁熱情。不過佢都唔及無綫小花劉溫馨咁吸睛，本身着住七欖傳統、以搞鬼薯條造型現身嘅佢，睇到一半就剥到得番白色短袖恤衫，點知再睇耐啲，佢再剥多件，只剩一件黑色吊帶crop top，33C誘人上圍呼之欲出，加埋佢條短裙仔，真係養眼又有睇頭。
而「狂野港姐」廖慧儀亦揸住啤酒杯滿場非，見佢大晒馬甲線，非常吸睛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
