▲《中年好聲音2》評判。
被封「樂壇風紀」的甄妮不時透過個人社交平台講對娛圈新聞的睇法，除之前講李龍基「扮豬食老虎」引熱議外，甄妮早前發文指《中年好聲音2》的冠軍發文指古淖文「油膩誇張」，為譚輝智未能奪冠感不值。
有份擔任《中年好聲音2》評判的伍仲衡與周國豐做網上節目上反擊，伍仲衡先稱：「講啲cheesy（俗）啲嘅嘢，有人攻擊我哋節目《中年好聲音》。」周國豐表示：「嗰個都係我好尊敬嘅前輩嚟。」
接著，伍仲衡稱：「我聽好多佢啲嘢……唔找數嗰啲，真係呀，好多Friend同佢做過嘢，你都知我識幾多人做演唱會啦，個個都識咁滯，同佢做過好多騷，我啲friend唔會呃我。」
周國豐表示未聽聞過此事，可是伍仲衡略激動地說：「咁佢唔會唔找畀你吖嘛！同佢做完演唱會啲人收唔到錢嘛，我聽咗十幾廿年。」
甄妮前日在社交網疑就事件回應，寫道：「阿伍台把不正確的舊新聞，反覆炒作繼續加油添醋，一把年紀了仍分不清『對錯』！講都懶得講你了！套一句『流量比較重要』，你的廢龍要打屁屁了。」她又指自古以來，尊師重道是基本準則，怎麼到了媒圈就變成罪惡？
同時甄妮又留言提到《中年好聲音》系列另一主要評判肥媽，稱：「只有一次交集，瑪莉亞小姐向我借耳環上秀，結果有去無回大丈夫，人品如何請仔細想想，別懶，有證人，也不用還了，送你慢慢用吧！」
甄妮更稱：「既被諷為風紀，粗重嘢就交給我做吧！那個台該看，那個台不該看，我會向大家報告！你們都去忙吧！🤣🤣🤣🤣🤣🤣不用客氣😇」。
最新影片推介：吳家樂專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
