天王郭富城最近於澳門開騷，太太方媛帶埋兩個女Chantelle同Charlotte去捧場，佢哋兩公婆就爭取一家四口親子時間，喺當地大玩室內飛行，方媛就拍低成個過程放上網，狂讚老公郭富城平衡力高超，一落場就已經飛得好好，直頭似足拍戲咁有型，而兩個女玩完就獲頒發證書，有成就感得嚟，仲似足爸爸一樣身手不凡！
入太空艙前，郭富城成家換上特定製制服，又專心聆聽專業教練講解及指導，因為每次飛行有45秒體驗時間，方媛就自爆因見到教練輕鬆起飛，佢一開始都冇乜緊張，豈料進場之後，因戚風勢非常大，令佢都話招架唔住：「大到呼吸有點難以調整，我緊張到把教練說的通通都忘了，那第一回合飛行下來，我才發現原來我的姿勢錯了，因為整個過程當中，腿是一定要伸直的，但是我整個人都是在游泳的一個狀態。」經過教練調整後，佢玩到第三次終於成功飛起，仲話有高空跳傘嘅感覺。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
