前港姐冠軍陳茵媺（Aimee）踏入43歲生日，獲老公陳豪以及三個仔女為佢慶祝。Aimee喺社交網晒出生日片，見佢一家五口慶生之外，原來仲請嚟大批好友到 ...
前港姐冠軍陳茵媺（Aimee）踏入43歲生日，獲老公陳豪以及三個仔女為佢慶祝。Aimee喺社交網晒出生日片，見佢一家五口慶生之外，原來仲請嚟大批好友到家中開P，當中就見到麥長青，屋企又放置好多鮮花做裝飾，畫面夢幻又溫馨。
估唔到今次Aimee唔只想同大家分享佢嘅幸福，仲順手畀大家知佢嘅仔女個個都多才多藝，就好似大仔同細仔彈結他，囡囡就彈鋼琴，Aimee就坐旁邊用欣慰嘅眼神享受親子情。
