藝人薛家燕向來帶挈不少圈中後輩搵真銀，齊齊到不同地方登台，家燕姐繼之前3月與黎耀祥、陳展鵬、馬德鐘3位視帝到馬來西亞登台後，再度添食，日前齊齊到新加坡登台，今次此行還多了一位視帝，就是羅嘉良。
出發當日，黎耀祥、馬德鐘都帶同妻子前往，而展鵬就全家總動員一齊去，至於家燕姐就帶埋寶貝孫仔Julian，Julian相當活潑可愛，又跳舞又向家燕姐獻。眾人接受無綫娛樂新聞台訪問，3位視帝更跟家燕姐學跳十字舞，相當搞笑。馬德鐘指會唱多首劇集主題曲，給帶給觀眾回憶，而展鵬則會跟黎耀祥合唱，大夥兒又會有經典歌合唱表演。
展鵬於台上亦大搞氣氛，他表示已很多年沒來到新加坡，笑言今次是託家燕姐鴻福，他謂:「一晚完成多個願望，又可以跟咁多位視帝、阿哥一齊同台演出，掂呀！希望同大家一齊過一個難忘嘅晚上。」令全場氣氛熱爆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
