般奴費南迪斯對曼聯今季表現非常失望。(Getty Images)
根據英國《太陽報》爆料，曼聯隊長般奴費南迪斯對於球隊今季表現非常失望，同時對於紅魔鬼未來發展，亦充滿疑慮，考慮今夏離隊，5月25日晚英足盃決賽對曼城，隨時成為呢位29歲葡萄牙國腳嘅告別戰。
般奴費南迪斯2020年1月由士砵亭加盟曼聯以來，個人數據出眾，包括今季上陣45場入15球及11次助攻。不過，呢位中場近4年半紅魔鬼生涯，僅捧過1次英聯盃冠軍，令佢意興闌珊，最大打擊係曼聯成績每況愈下，現時排英超第8位，已經無緣下屆歐聯，令般奴費南迪斯深感絕望，擔心球隊下季都難以翻身，進一步萌生去意。
事實上，早前傳出曼聯計劃今夏大清洗，只有海倫、馬恩奧、阿歷真度加拿祖屬於非賣品，的確有機會出售般奴費南迪斯，盛傳沙特阿拉伯球會有興趣收購佢，般費可能去中東掘金同葡萄牙國家隊隊友C朗重聚。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
