今年康城電影節紅地氈再次成為華人紅星亮相戰場，不過今年就唔係女星之間嘅鬥爭，反而係要同出位網紅爭奪大會電視台直播鏡頭，因為大會Live幾乎無視晒多位悉心打扮嘅真藝人，轉而拍「騎呢雙煞」中美混血網紅李美越及內地話劇演員萬千惠。不過大家唔使驚，因為終於等到內地頂流花旦唐嫣現身，佢以一身Bling bling貼身晚裝長裙谷胸示人，更成為第一位有大特寫中國藝人，被指係「中國女藝人的驕傲」。而佢現身當晚就有康城電影節中國青年電影之夜，當中同場女星佟麗婭、關曉彤、唐嫣亮相排排坐，美女同框分外養眼。
不過同樣係現身康城電影節嘅女星張天愛就同人唔同命，佢竟然一落地就唔見行李，雖然當日仲有靚衫硬頂出席活動，不過佢嚟緊幾日活動嘅衫都喺行李入面，即刻發文呼籲拎錯佢行李嘅人聯絡佢：「落地後發現行李箱遺失了，目前已填報丟失單，也給航空公司致電，但一直沒有響應，還未聯絡到。行李箱裏有這幾天參加活動的衣服，如果有拿錯的朋友，辛苦聯絡我。如有也在法航丟過行李並成功找回的朋友，求分享找回經驗」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
