▲彭國柱往英國探望彭國柱！
前TVB新聞主播彭國柱於2015年離開TVB後任職公關，兩年前他移居英國，婚後的彭國柱更榮升爸爸呢！
方健儀讚柱柱凍齡有術
正於英國旅遊的方健儀早前探望移民當地的彭柱國，方健儀於社交網寫道：「出發前四日先被告知另一旅程泡湯，憤怒、無奈、徬徨。壓下自己負面情緒，本著安排好嘅假期唔好嘥，臨急臨忙決定去自己相對熟悉嘅英國，探望好耐冇見嘅朋友，頭號想見嘅就係柱柱。」
她於社交網晒出跟彭國柱一家三口的合照，只見41歲的「柱柱」樣子比前後生，至於4歲愛兒的樣貌精靈非常，難怪方健儀留言：「見到柱柱fit咗靚仔咗，阿太仍然in good shape，彭小B乖巧伶俐，Uncle恒恒同Akina姐姐倍感安慰。」
前新聞主播丨舉家外遊方爸爸變百彈齋主 方健儀感受引共嗚：有時係EQ嘅試煉
專業形象｜加國Costco買廁紙返港被網民嘲笑村姑 方健儀反駁：專業人士唔可以買廁紙？
「食餅事件」之謎
另外，方健儀於彭國柱家裡留宿一晚，二人邊飲咖啡邊促膝詳談，惟期間發生一件小趣事：「我喺佢屋企唔識用花灑，唔敢出聲靜靜雞用水喉沖涼，笑到眾人反肚，感覺好似返到從前一齊工作時嘅青蔥歲月。」
除大讚彭國柱樣子沒變，如吃了防腐劑一樣，網民更希望柱柱解開當年「食餅事件」忍笑之謎：「可唔可以叫柱柱解謎，當年佢係艇仔上面究竟係想笑定係想嘔？」另一網民即問：「然後仲有主播食餅。」
方健儀即回覆：「嗰件亦都唔係餅」以及「呢個謎，就讓佢謎落去，但幾肯定你講嗰兩樣都唔係。」
在彭國柱主播生涯中，最經典可說是「食餅事件忍笑疑雲」，2008年3月27日，在《香港早晨》外景直播中，彭國柱在艇上報道沉船事故，當時他左搖右擺報新聞，鏡頭更突然轉返主播室，見到主播龔偉怡食餅的畫面。
該片段在YouTube有過百萬點擊，長期被網民無限翻loop，同事柳俊江曾解釋，彭國柱當時是暈船浪，而當事人彭國柱則保持神秘，「留畀大家隨便演繹。」
最新影片推介：周家蔚專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
