44歲馬來西亞拿督千金莊思敏（Jacquelin），家族資產估計約8億元。向來真性情又敢言的她前日（21日）在社交網突然向網民求助並詢問意見，更一度呻某人對家人圖謀不軌，引起網民關注及討論！
莊思敏在社交網站寫上：「如果你發現一個壞人黐住你屋企人，但你屋企人又唔覺得佢係壞人，你會點做？」不過以上發表的言論並沒有提及任何人的名字，或發布任何照片。有關心她的網民留言鼓勵表示：「先保護自己，再盡量保護家人，以防發生total loss」、「保護家人，叫個壞人唔好再喺屋企人面出現！」
事後莊思敏接受電話訪問時表示這是一個天大的誤會：「冇事，嗰日我純粹睇到其他新聞，無聊問吓呢個問題，唔係發生喺我身上，所以大家唔使太擔心，呢個誤會我真係有必要澄清，因為搞到我嘅家人同身邊朋友都非常擔心，每個家人都打嚟問我，究竟發生咩事，你講緊邊個，其實係冇事發生，我只係睇咗新聞，想同大家討論吓啫！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
