《談判專家》導演邱禮濤於謝票活動上接受《香港01》訪問，談到不少觀眾將劉青雲的新作與經典作品《暗戰》進行聯想，邱禮濤分享指：「雖然《暗戰》裡面青雲都係做《談判專家》，但係《暗戰》比較抽離、幻想型嘅一個故事，《談判專家》係比較寫實啲，係兩個approach（途徑），劉青雲嘅演繹亦都好唔同。」
邱禮濤為香港少數的多產導演之一，執導作品逆市上升，另一部新作《海關戰線》亦即將於下月上映，Herman笑言執導作品接連同步上映為常事：「2017年我去戲院睇鏡，有三間院播緊我三套戲！」表示發行安排交由電影公司主力處理。
邱禮濤曾執導《拆彈專家》系列，現則推出《談判專家》，令觀眾好奇會否成為警匪電影「專家」系列，Herman：「其實冇諗過專家系列嘅，只不過套戲改編《冇數講》，咁又唔好用返《冇數講》，既然套戲係講談判專家，咁就咁啦、唔好諗喇！」亦表示接下來希望進一步與劉青雲、吳鎮宇合作，但則不會侷限於近年常見的警匪題材，希望涉獵其他電影題材。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
