姜濤日前由巴黎返港，今早（22日）現身「麥當勞兒童愛心馬拉松」，姜濤在高溫下雖然熱到噴汗，不過就十分精神，仲話無受時差影響，原因係喺飛機上瞓足全程，而昨晚仲去咗打藍球。提到喺巴黎時，孖住Anson Lo一齊與Wyman共聚，事後被前輩指有人爭埋單，姜濤表示：「我同Lo一齊埋單嘅，因為好難得同Wyman老師食飯，作為後輩好應該請。傾咗幾耐？只係覺得時間過得好快，因為每次都好多嘢講。」姜濤又強烈推薦大家如果去巴黎的話，一定要食法國蝸牛，他又指參與時裝周尤如小朋友去遊樂場一樣，問到是否十分緊張，搞到要剪指甲舒緩，姜濤話：「因為成日出騷前先記得要剪指甲、抆鼻毛。」
而講到隊友Frankie其圈外女友Christy連日被揭黑歷史，姜濤表示：「人哋嘅事，我哋無辦法去評論，畀啲空間佢。（有無關心佢？）我相信我哋每位隊員都有關心，但而家最好係畀空間佢處理。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
