《中年好聲音3》昨日進行錄影，除伍仲衡、肥媽、張佳添等外，周吉佩、支譽儀、古淖文、譚輝智、顏米羔亦有份加持。古淖文接受訪問時透露有澳門朋友成功入圍，希望他們能好好享受舞台，而譚輝智堂家姐出局，他表示唔敢搵對方。而顏米羔則希望參賽者唔好太緊張影響演出，因為畢竟上台時間有限。
譚輝智早前與《聲夢傳奇2》亞軍黃洛妍唱《射鵰英雄傳之鐵血丹心》主題曲，他表示錄了很多版本，由原先嘅澎湃到最後用自己風格唱。古淖文同顏米羔表示十分羨慕譚輝智有主題曲，又謂自己係金庸fans，仲話唔介意做鵰。支嚳儀早前已入《愛回家》，問到3位是否也想入劇組，顏米羔直言好想，仲話自己表情多多，而古淖文同譚輝智就話暫時都係想以音樂為主，但如果公司有安排，都唔介意一試。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
